Governu Presiza Prioritiza Setór Bee Moos no Saneamentu iha OJE-2024
Plataforma Nasionál Bee, Saneamentu no Ijiene Timor-Leste (PN-BESI-TL) husu ba Governu no Parlamentu Nasionál atu fó Prioridade ba setór bee iha Orsamentu Jerál Estadu (OJE) 2024 ho 3% hodi fornese ba populasaun.
“Presiza halo diskusaun kle’an ho Governu kona-ba proposta OJE-2024 ba setór Bee Moos no Saneamentu ne’ebé kontinua hatudu pursentu ki’ik kompara ho setór sira seluk. Ami kontinua husu alokasaun mínimu ba Bee no Saneamentu purvolta 3%”, refere nota ne’ebé Agênsia Tatoli asesu.
