Kona-ba

Setór Bee, Saneamentu no Ijiene (BESI) nu'udar área prioridade ida-ne'ebé kontribui ba moris saudavel no prosperu povu Timor-Leste nian. Ida ne'e mós konsidera hanesan direitu báziku ida ba ema atu hetan asesu ba bee moos, saneamentu dignu no ijiene. Tanba ne'e, informasaun sira kona-ba bee moos, saneamentu no ijiene presiza tebes atu ema bele komprende kona-ba importánsia BESI nian iha sira-nia moris no mós atu hatene Timor-Leste nia pozisaun kona-ba kobertura bee, saneamentu no ijiene. Nesesidade ba informasaun kona-ba BESI presiza tebes fatin kredivel ida-ne'ebé bele uza hodi buka no hetan informasaun relasiona ho BESI.

Website ida-ne'e kria ho kolaborasaun entre WaterAid Timor-Leste no PNBESITL nu'udar parte ida husi Plataforma ba Konesimentu no Aprendizajen, ne'ebé sei sai hanesan pontu ida atu buka informasaun sira relasiona ho BESI. Website ne'e mós bele ajuda komunidade no organizasaun sira ne'ebé prontu atu investe no hadi'a situasaun BESI iha Timor-Leste.