FHTL- Hala'o Operasaun no Manutensaun ki'ik ba Sistema Bee Moos iha Munisípiu Liquiça
Fundaçaõ Hafoun Timor Lorosa'e-FHTL liu husi parseiru servisu hamutuk ho WaterAid iha Timor-Leste, hala'o Operasaun no Manutensaun ki'ik ba Sistem bee moos iha Munisípiu Liquiça hamutuk 18, hodi suporta Komunidade nia asesu ba bee ne’ebé adekuadu.
Servisu hirak ne'e realiza hafoin enkontru Planu Asaun Komunidade-PAK hodi haree mós kona-ba funsionamentu Estrutura Grupu Maneja Fasilidade-GMF no mós Fundus kontribuisaun ba Operasaun no Manutensaun Sistema bee, ne’ebé kada fulan Komunidade uma kain sira ida-idak halo kontribui.
Liushusi mekanismu ne’ebé iha leten, wainhira iha prosesu identifikasaun ba sistema ne’ebé iha fundus maka FHTL ho ninia parseiru sira apoiu tekniku hodi halo operasaun no manutensaun ba sistema sira, nune’e hodi bele kontinua fó benefisiu ba komunidade sira asesu ba bee moos.
