PN-BESI-TL Husu ba IX Governu Konstitusionál Tau Prioridade Asuntu BESI iha OJE-2024
Plataforma Nasionál Bee, Saneamentu no Ijiene Timor-Leste hamutuk ho membru sira kompostu husi Fundasaun Hafoun Timor Lorosa’e (FHTL), Asosiasaun HAK no La’o Hamutuk, halo audiensia ho Vice Primeiru Ministru, Ministru Koordenador dos Asuntu Sosiais no Ministru Dezenvolvimentu Rurál, Habitação Comunitaria, Eng. Mariano Assanami Sabino
Objetivu audensia ne’e, hodi hato’o progresu no deskobrementu relevánsia ho dezenvolvimentu setór Bee, Saneamentu no Ijiene ne’ebé durante ne’e PN-BESI-TL ho membru sira observa no hetan.
Aliende ne’e mós entrega relatóriu auditóriu sosiál kona-ba kondisaun fornesimentu asesu bee ba komunidade área rurál iha periudo 2021-2022. Deskobrementu sira iha relatóriu ne’e bee ba komunidade nafatin sai preokupasaun . Observasaun PN-BESI-TL iha nivél rurál situasaun Operasaun & Manutensaun sei sai problema iha komunidade, Dekretu lei Nu. 4/2004 Komunidade mak halo jestaun ba Bee iha área rurál husi estabelesementu Grupu Maneja Fasilidade (GFM), maibé mauria GMF la funsiona ho di’ak tanba servisu voluntariu.
Hare’e husi planu Estratéjiku Dezenvolvimentu Nasionál (PEDN 2011-2030) hatu’ur ona katak, to’o iha tinan 2030 povu iha teritoriu Timor-Leste laran tomak asesu ona ba Bee no Sanemanetu ne’ebé adekuadu, Inkluzivu no Sustentável.
Tuir rezultadu husi sensus 2022 Uma kain ne’ebé mak asesu ba Torneira Públiku Hamutuk 39.5%, Uma kain ne’ebé Torneira Instala iha uma laran ho pursentu 10.2% no Uma kain ne’ebé kontinua utiliza ou asesu ba Mota, Bee Matan, Lagoa Kollam no Irigasaun hodi utiliza ba loro-loron nian hamutuk pursentu 8.7% . Tuir dadus husi Global Hunger Index 2022 (Sigla English) hatudu Timor-Leste ho pursentu 30.6% Hamlaha no Malnutrisaun a’as liu iha Sudeste Aziátiku, ne’e signifika mauria populasaun iha teritóriu nasionál seidauk iha rendementu sufisiente ba sustenta ekonómia família. Aliende ne’e situasaun asesu ba infraestrutura bázika (Bee moos no Saneamentu) iha Eskola, Postu Saúde no Uma kain sira ne’ebé seidauk natoon, nune’e kontinua implika mós ba numeru malnutrisaun ne’ebé sei a’as (Stunting 47% lilu-liu ba labarik ki’ik sira ne’ebé idade tinan 5 mai kraik.
PN-BESI-TL nafatin husu ba IX Governu Konstitusionál, iha elobaorasaun Orsamentu Jerál Estadu (OJE) tinan 2024 bele integra asuntu Bee, Saneamentu no Ijiene sai prioridade iha alokasaun (OJE) ba iha tinan 2024.
