Komunidade sira tenke iha konsiensia atu kuidadu Fasilidade públiku Bee moos
Administrador Postu Administrativu Liquiça, Sr.Rogerio dos Santos, iha ninia intervensaun hateten Dekretu lei numeru 86/2006, papel Prezidente Autoridade haree ba nivél Munisipál, postu administrativu ekstansaun haluan prezidente administrativu nia servisu hodi haree liu ba nesesidade ba komunidade sira nian liu-liu tau matan mós ba amandamentu komunidadade sira nian hodi asesu ba bee moos.
Postu Liquiça deklara ona Área la Soe Fo’er Boot Arbiru-ALFA nune’e ligasaun ho Ijiene husu ba komunidade sira atu instala Sintina ijiene ho kondisaun modernu tanba ne’e ligasaun ba Saúde.
Komunidade sira labele ezeji de’it direitu, maibe presiza partisipa ativu iha enkontru sira tanba dezenvolvimentu ne’e husi baze ba to’o nasionál, husu komunidade sira tenke iha konsiensia no iha obrigasaun atu kuidadu fasilidade bee moos ne’ebé parseiru sira instala ona.
Grupu Maneja Fasilidade- GMF tenke ativu servisu hamutuk komunidade hodi haree sustentabilidade bee moos. Autoridade nafatin iha dever hodi buka dalan servisu hamutuk ho parseiru sira hodi hatan ba preokupasaun komunidade sira nian. Suku Dato tenke halo tara bandu ho ninia objetivu mak ema labele estraga fasilidade públiku iha suku Dato.
Informasaun Relevante : Kondisaun Atual Bee Moos iha Munisipiu 8 Periodu 2022-2023
Husu partipasaun feto tenke ativu tanba inan feto sira mak uza bee barak nune’e tenke partisipa ativu hodi nune’e hato’o problema bee moos iha enkontru KPK ne’e.
