Alsina - Interasaun ne 'ebé hanesan iha Área Família nian
Alsina Tavares, idade tinan 37, kaben ho labarik nain 4, ne 'ebé hela iha aldeia Hatululi, Suku Loidahar, Munisípiu Likisá. Alsina hanesan manorin ida iha Eskola Primária Loidahar. Sra. Alsina dehan katak nia sente orgullu tebes tanba bele partisipa iha atividade nee no hetan koñesimentu balun liuliu kona-ba Igualdade Jéneru. Nia hatutan katak nia sente kontente tanba nia laen mós hola parte iha enkontru nee, entaun sira nain rua bele kontinua fahe informasaun importante sira ba família no komunidade neebé sira hela bá.
Mrs.Alsina
Alsina hatutan tan katak antes sistema be nian instala iha suku, susar ba sira atu hetan bee moos, sira iha deit bee ida ba sira hotu no bee sei naton deit ba sira durante tempu udan tanba bailoron sei sai maran. Ho situasaun hanesan nee bele halo komunidade hirus malu tanba kuantidade bee kiik atu fahe ka distribui iha komunidade nia leet. Maske nune 'e, programa WASH implementa tiha ona iha ami nia suku no GMF harii tiha ona, atu nune' e ami sente katak bee ne 'e oras ne' e sufisiente ona atu fahe iha komunidade nia leet.
