HAK-ho Parseiru sira Realiza Diskusaun KPK-Sistema Bee Moos iha Munisípiu Manufahi
Manufahi 11 Jullu 2024-HAK ho parseiru dezenvolvimentu realiza workshop hodi halo diskuasaun kona-ba Kartaun Pontuasaun Komunidade-KPK iha Nive Suku . Esforsu sira ba Planeamentu Investimentu no Advokásia ne’ebé integradu ba Melloramentu sistema bee, saneamentu no ijiene-BESI rurais.
Antes ne’e mós HAK ho parseiru sira realiza ona diskusaun iha Suku Daisua ho Suku Holarua iha fulan Marsu liu ba. HAK ho Parseiru F-LBF, AGMF apoiu husi WaterAid Timor-Leste kontinua realiza diskusaun ho Komunidade no Autoridade Lokal iha Suku Letofoho.
Iha loron 10 Jullu Ekipa kontinua halo input tracking/halo observasaun ba sistema, teste kualidade bee iha sistema rua : Sistema Rosata ho Sistema Sarmata iha Aldeia Kotalala Suku Letofoho. Iha dia 11 Jullu Ekipa kontinua halo dikusaun ho komunidade, Estrutura GMF no Autoridade Suku no Postu.
Objetivu atu identifika progresu no dezafiu sistema bee iha nivel Suku no hamutuk buka solusaun efetivu ba melloramentu bee no sustentabilidade liu husi faze partisipasaun, transparensia no akuntabilidade, hodi kontribui ba planeamentu, investimentu no advokásia ne’ebé integradu iha nivel Suku, nivel Postu no Munisípiu.
Patisipante iha diskusaun ne’e: Diretór SMASA, Reprezentante Koordenador BTL,EP Munisípiu, Administrador Postu Administrativu Same, Fasilitador Postu Administrativu-FPA, Reprezentante Xefi Suku, Xefi Aldeia sira, Estrutura Grupu Maneja Fasilidade-GMF no komunidade sira.
