Mapamentu Risku Mudansa Klimatika Munisipiu Liquica no Manufahi

WaterAid Timor-Leste hamutuk ho Parseiru implementadór Manufahi no Liquiçá servisu hamutuk ho Autoridade Munisipál hala’o Soru-mutu Munisipál ho Autoridade komunitária inklui reprezentante setór no Autor relevante sira hodi fahe hanoin liu husi Mapamentu perigu klimátika munisipál tuir kontextu munisipiu Manufahi no Liquiçá nian ba iha impaktu alterasaun klimátika. Perfíl Perigu klimátika nee importante tebes atu bele apoiu reflesaun, planu sektorál ba integrasaun mobilizasaun rekursu no dezenvolve reziliénsia klimátika ho di’ak hodi bele preparadu hodi hasoru perigu husi alterasaun klimátika. 

Jerálmente, objetivu soru-mutu ne’e mak hanesan: 
∆ Observasaun konjunta ba perfíl perigu klimátika no oinsá nia efeitu ba Setór BESI tuir kontextu munisípiu Manufahi no Liquiçá.  
∆ Utiliza dadus baze hodi identifika forsa no frakeza hodi sai baze fundamentu ba aproximasaun programa iha tempu oin mai - iha faze sira tuir mai husi programa bee ba feto ho perspetiva mitigasaun no adaptasaun ba Mudansa klimátika.  
∆ Identifika no dezenvolve Perfíl perigu klimátika Manufahi no Liquiçá hodi bele sai hanesan referénsia ba iha prosesu planeamentu no sira nia polítika.  
∆ Sensibiliza informasaun no terminolojia alterasaun klimátika ba lideransa komunitária no instituisaun relevante sira atu habelar ba komunidade.