Suku Hatuquessi halo aprovasaun ba Lei Tarabandu
Iha loron 9 fulan Janeiru 2025, ekipa WaterAid Timor-Leste suporta parseiru implementador Fundasaun Hafoun Timor Lorosa’e (FHTL) halo atividade sosializasaun no aprovasaun ba Lei Tarabandu iha sede suku Hatiqiessi, munisipiu Liquiçá.
Objetivu husi atividade ida ne’e atu halo konsensializasaun membru konsellu suku no komunidade, haforsa implementasaun lei lokal Tarabandu, no promove sustentabilidade jestaun rekursus naturais.
Iha abertura atividade, Xefe Suku Hatuquessi Sr. Zeto Vidigal dos Santos hatoo agradesimentu ba parseiru ne’ebé fo apoiu hodi dezenvolve lei bandu nunee membru konsellu suku sira bele lao tuir regra mensiona iha manual suku ninian. Ida ne’e inklui atu muda komunidade nia pensamentu atu kuidadu rekursu natural sira, lii-liu bee matan sira.
Iha fatin hanesan, Diretor FHTL Sr. Álvaro António enkoraja atu lei tarabandu ne’ebé dezenvolve labele husik de’it hanesan instrument maibe fortikifa regulamentu hirak ne’e no foti asaun hodi konsensializa kada pesoal atu nune’e lei ne’e bele tau iha prátika.
Reprezentante diretór Floresta Sr. João Boavida dos Santos hateten iha nia diskursu katak tenke asegura bee matan sira liu husi lei tarabandu. Nia hateten nune’e tanba bele ih regulamentu no multa forte uainhira iha kazu ruma ne’ebé maka grave liga ba krime ambiente hanesan estraga ai iha bee matan. Sr. Armindo Soares nudar Diretór ONG esklarese katak Lei tarabandu reflet aba suku no komunidade nia laran, halo mós ajustamentu husi lei nivel munisipiu.
Sr. Rogeiro dos Santos nudar Administrador Postu Administrativu Liquiçá agradese ba sosiedade sivil liu-liu WaterAid Timor-Leste no FHTL hodi bele lori autiridade munisipiu ho komunidade hamutuk haree kona-ba regulamentu lei Tarabandu. Nia subliña katak ema hotu tenke proteje ai-horis sira, ambiente, no mós manu fuik sira ne’ebé komesa menus ba dadauk. “WaterAid Timor-Leste ho nia parseir implementador durante ne’e servisu iha setór BESI, no agora ita haree sira integra regularmentu Tarabandu ba sira nia servisu atu bele asegura kualidade no sustentabilidade servisu sira” hateten APA Liquiçá.
Partisipa iha aprovasaun lei Tarabandu suku Hatuquesi ne’e total ema 42 husi feto 11 no mane 31 ne’ebé mai husi autoridade lokál, munisipál, no komunidade Hatuquessi.
