Workshop Revizaun PE BESI Munisípiu Manufahi
Governu Munisípiu Manufahi hamutuk ho Ekipa WaterAid Timor-Leste no parseiru implementadór sira hala’o workshop loron rua ba revizaun planu estratéjiku munisípiu Manufahi
Revizaun Planu Estratéjiku BESI Munisipiu Manufahi
Planu Estratéjiku (PE) iha papél importante atu sukat progresu atinjimentu no modelu aproximasaun atu bele atinje vizaun ne’ebé define ona. Iha Parte seluk, PE hanesan mós instrumentu atu dirije no fó diresaun klaru ba implementasaun, métodu no mós halo klaru dalan sira atu bele atinje vizaun mak planeia tiha ona.
Planu Estratéjiku (PE) iha papél importante atu sukat progresu atinjimentu no modelu aproximasaun atu bele atinje vizaun ne’ebé define ona. Iha Parte seluk, PE hanesan mós instrumentu atu dirije no fó diresaun klaru ba implementasaun, métodu no mós halo klaru dalan sira atu bele atinje vizaun mak planeia tiha ona.
Ho nune’e, iha loron 22-23 Agostu, Governu Munisípiu Manufahi hamutuk ho ekipa WaterAid Timor-Leste no parseiru implementadór sira iha Manufahi hala’o workshop “Revizaun Planu Estratéjiku BESI Munisípiu Manufahi” iha salaun parokiál Manufahi. Objetivu husi workshop ne’e atu hare fali implementasaun PE refere husi kada departamentu relevante no nia integrasaun ba Igualdade Jéneru Defisiénsia no Inkluzaun Sosiál (IJDIS) no Mudansa Klimátika. Atividade loron rua ne’e hahú ho aprezentasaun husi Administradór Munisípiu Manufahi, Prezidente BTL, E.P, Diretóra Nasional Sentru Edukasaun no Informasaun Ambientál, Xefe Gabinete SEEAS, no Reprezentante SEDL. Tuir mai, iha sesaun diskusaun grupu ne’ebé interativu kona-ba atinjimentu, análize kontextu uza PESTLE, vizaun estratéjiku, objetivu estratéjiku, no aprezentasaun rezultadu workshop loron 2.
Rezultadu husi workshop ne’e maka konsege akumula implementasaun PE BESI nia atinjimentu, oportunidade, no dezafiu xave sira husi PE BESI nia objetivu lima. Tuir mai, Instituisaun governu no organizasaun sosiedade sivíl sira ne’ebé partisipa konsege halo revizaun ba iha vizaun, meta no estratéjia husi PE BESI atu konsidera risku no impaktu dezastre naturais ne’ebé akontese iha Manufahi fulan hirak liu-ba. Workshop ne’e taka ho deklarasaun no asina kometimentu husi Governu Munisípiu Manufahi, Autoridade lokál, Parseiru Implementadór, Organizasaun Internasionál no ajente implementadór PE BESI sira iha munisípiu Manufahi atu fó importánsia no hala’o implementasaun PE BESI Manufahi ho responsavel. Atu nune’e, to 2025 entidade relevante sira iha munisípiu Manufahi bele alkansa vizaun atu asegura BESI ne’ebé assesivél, adaptivu, inkluzivu, no sustentável ba povu Manufahi. Iha enserramentu, Administradór Munisípiu Manufahi hatete katak sei konvida fali servisu integradu munisipál no parseiru hotu atu bele aprezenta dokumentu revizaun ne’e ba Governu Nasional atu PE BESI ne’e bele hetan atensaun.
