PN-BESI-TL halo Audiensia ho Gabinete SEEAS no DNRAS hodi halo kordenasaun ba Planu realizasaun WASH forum
Dili, 16 Febreiru 2024, PN-BESI-TL kontinuasaun halo audiensia hodi enkontru daruak ho gabinete Secretário de Estado da Eletricidade, Água e Saneamento-SEEAS no Diresaun Nasionál Regulasaun Água no Saneamentu-DNRAS iha Salaun enkontru gabinete SEEAS .
Objetivu hodi halo kordenasaun ba Planu realizasaun WASH forum hodi diskute kona-ba bee, sanementu no ijiene-BESI
PN-BESI-TL halo aprezentasaun Esbosu Termo de Referência-TOR kona-ba planu realizasaun enkontru WASH Forum nian ba ekipa gabinete ho asesor SEEAS no reprezentante DNRAS, nune’e hodi halo diskusaun hamutuk hodi fó idea relevante seluk ne’ebé mak presiza enkaixa. Aliende husi ne’e mós hetan aprezentasaun husi gabinete SEEAS hodi reforsa liu tan kona-ba informasaun relevante sira ne’ebé sei aumenta no enkaixa ba iha esbosu TOR Planu WASH Forum nian.
Informasaun Relevante : Kondisaun Atual Bee Moos iha Munisipiu 8 Periudu 2022-2023
Enkontru koordenasauun la’o di’ak tanba hetan partisipasaun másimu husi ekipa gabinete ho asesor SEEAS no mós reprezentante husi DNRAS hodi halo diskusaun ne'ebé interativu tebes, nune’e iha ona konkordansia hamutuk no ekipa gabinete sei relata rezultadu audiensia ne'e ba Exmu SEEAS, atu nune’e ekipa Gabinete SEEAS no sei hamutuk ho parseiru PN-BESI-TL bele hahu halo ona preparasaun ba servisu tékniku sira hodi nune’e atividade WASH FORUM bele realiza iha tempu besik.
