PN-BESI-TL Lansamentu Relatóriu Auditória Sosiál-KPK
Dili, 06 Marsu 2024-Plataforma Nasionál Bee, Saneamentu no Ijiene Timor-Leste (PN-BESI TL) realiza atividade Lansamentu Relatóriu Auditória Sosiál liu husi Kartaun Pontuasaun Komunidade (KPK), Fornesimentu Bee ba Komunidade iha área rurál iha Salaun Asosiasaun HAK, Farol, Dili.
Objetivu husi atividade Relatóriu Auditoria Sosiál liu husi Mekanizmu Kartaun Pontuasaun Komunidade (KPK), Fornesimentu Bee ba Komunidade iha área rurál ne’ebé hala’o ona iha Munisípiu Covalima, Postu Administrativu Tilomar, Suku haat (4) mak hanesan Suku Beiseuk, Casabauk, Lalawa no Maudemu.
“Prezidente Konsellu PN-BESI TL iha nia introdusaun hateten katak PN-BESI TL nia intervensaun ba Bee Saneamentu no Ijiene kuaze iha teritóriu tomak liu husi ninia membru sira ne’ebé estabelese iha kada munisípiu, nune’e mós dadus no informasaun sira ligadu ho BESI iha área rurál ne’ebé ita utiliza hodi halo servisu advokásia uha tinan kotuk.
Programa PN-BESI TL hetan suporta husi SASCAS hodi halo atividade Auditoria Sosiál iha munisípiu Covalima, Postu administrativu Tilomar, iha Suku haat (4) ligadu ho Sistema Bee rurál. Atividade Auditoria Sosiál ida ne’e hala’o liu husi mekanizmu Kartaun Pontuasaun Komunidade (KPK), ne’ebe engloba Fornesedór Servisu sira, Komunidade inklui Autoridade lokál no Lideransa Komunitáriu hodi halibur informasaun sira kona-bá komunidade nia asesu ba sistema bee moos ne’ebé sei sai problema iha sira-nia hela-fatin. Liu husi atividade Auditoria Sosiál ida ne’e, ita konsege identifika problema lubuk ida importante tebes mak Governu presiza tau iha konsiderasaun liliu iha alokasaun ba OJE kada tinan ba BESI iha Timor-Leste. ”
“Reprezentante SASCAS/ GASC-VPM iha nia Intervensaun katak Governu rekoñese Auditoria Sosiál hanesan instrumentu ida ne’ebé ita atu hetan objetivu ba rekomendasaun sira mak ita hato’o. Dalabarak Organizasaun Sosiedade Sivíl sempre iha oin hodi hola parte iha Auditoria Sosiál.
Partisipasaun iha atividade husi SASCAS/ GASC-VPM, DNRAS, BTL.EP, PNDS
