GFFTL-Sosializa no Dezimina Informasaun Kona-bá Igualdade Jéneru Defisiénsia no Inkluzaun Sosiál (IJDIS) iha Munisípiu Liquiça

Objetivu husi atividade ne’e mak atu mellora estratéjia advokásia hodi garante Integrasaun Asuntu IJDIS iha dezenvolvimentu setór BESI ne'ebé inkluzivu no sustentável, husi intervensaun sira ne'ebé mak iha GFFTL organiza no realiza diálogu iha nivel komunidade ho objetivu atu hasa'e konsiénsia no koñesimentu komunidade ligadu ho asesu ba Bee Saneamentu ne'ebé estabelese ona iha komunidade nomós servisu besik ho governu munisipiu liu husi diretór sektorais sira atu bele hasa'e no haforsa liután planu prioridade sira ne'ebé mak kada setór sira iha nune'e atu harii sistema BESI iha komunidade no mós iha fasilidade publik sira bele tau importánsia ba kondisaun ne'ebé mak bele asegura asesibilidade ba Ema hotu ne'ebé ho limitasaun oi-oin liu-liu ba Ema ho kondisaun Defisiénsia, Feto Labarik no Inan isin rua sira. Liga ba iha alterasaun mudansa klimátika liu husi servisu hamutuk ne'ebé mak iha hanesan servisu hamutuk ho PERMATIL, F-HTL nomós WATL halo ona intervensaun iha suku balun iha munisipiu Liquiça liu-liu oinsá atu hamoris fila fali bee matan Natural sira ne'ebé mak iha liu husi konserva rai no konserva bee liu-liu hamoris fila fali debu natural sira ne'ebé mak iha hodi bele kontribui bee matan sira ne'ebé mak iha. Fasilitadór iha Atividade sosializa no dezimina informasaun fasilita direita husi setór relevante sira iha Munisipiu Liquiça hanesan Sekretária Estadu ba Igualdade (Pontu Fokál SEI Munisipiu Liquiça), MSSI-CSSM-Liquiça (Pontu Fokál VBJ), PNTL (komandante VPU Munisipiu Liquiça) nomós organizasaun parseiru sira hanesan Assosiasaun HAK no PERMATIL.

Atividade ne’e hetan partisipasaun máximu husi estrutura konsellu suku sira husi Suku Dato, Gugleur no Fatumasi, instituisaun relevante sira nivel Munisípiu inklui parseiru organizasaun sosiedade sivíl sira. Total partisipante ba Suku tolu refere hamutuk ema 109 mane 66 no feto 43.