F-HTL ho Parseiru Hala’o Peskiza Baseline iha Munisípiu Liquiça
Fundasaun Hafoun Timor Lorosa’e F-HTL hamutuk ho parseiru PERMATIL, WaterAid Timor-Leste no SMASA Munisípiu Liquiça, durante loron ha’at hahu iha loron 15-18 Outubru 2024 hala'o atividade Baseline ba Bee matan sira iha Suku Loidahar, Maumeta, Dato no Hatuquesi. Objetivu husi peskiza Baseline ne’e oinsá mak atu rekolha dadus husi Komunidade sira, hodi haree ba Arolamentu ba Bee matan Natural hodi asegura no konserva Bee Matan sira.
Loron Primeiru F-HTL hamutuk ho parseiru PERMATIL, WaterAid Timor-Leste no SMASA Munisípiu Liquiça, hala'o atividade Baseline iha Suku Loidahar ba iha Bee matan E'olo, Edare, Gunua 1 no Gunua 2, Malupú, Kaibutipú ba konsentra ba Aldeia Mankolohata, Soetela no Hatululi. Loron segundu F-HTL hamutuk ho Autoridade Suku Maumeta kontinua hala’o atividade Peskiza kona-ba Arolamentu Bee Matan Natural iha Aldeia 4 mak hanesan Nartutu, Maumeta Lau, Darmudapu, Kaimegohou.
Loron Terxeiru Ekipa F-HTL hamutuk parseiru PERMATIL no WaterAid Timor-Leste kontinua hala’o atividade mak hanesan Baseline ba nian iha Bee matan Bahagomeo iha Aldeia Hecar Suku Dato, Bee Matan Mantutu Raihei Aldeia Lisaiko Suku Dato no Bee matan Demalara Aldeia Quirilelo. Loron Daha’at Ekipa F-HTL hamutuk Parseiru PERMATIL no WateriAid Timor-Leste hala’o atividade Baseline ba Bee matan iha suku Hatuquesi, Aldeia Nonhou no Tautalo.
