Asuntu Igualdade Jéneru, Defisiensia, no Inkluzaun Sosial iha Implementasaun Kartaun Pontuasaun Komunidade iha Liquiçá no Manufahi

Prosesu implementasaun KPK iha sesaun diskusaun grupu ne’ebé fahe ba grupu tolu hanesan grupu fornesedór, feto, no mane. Separasaun grupu ne’e atu bele enkoraja komunidade sira hato’o sira nia ideia no hanoin sira ho kondisaun ne’ebé konfortável. Tuir mai, objetivu prinsipál husi diskusaun grupu atu identifika progresu no dezafiu sira sistema bee iha nivel Suco no hamutuk buka solusaun efetivu ba melloramentu bee no sustentabilidade liu husi faze partisipasaun, transparénsia no akuntabilidade. Asegura partisipasaun maluk feto, EhD, no grupu vulneravel sira iha enkontru nivel komunidade ne’e vital atu bele kria espasu no servisu públiku ne’ebé inkluzivu, efetivu, no iha sustentabilidade.