Kombate Denge: Uza Moskiteiru, Repelente, Roupa Liman Naruk no Evita Halihun Bee

Dili, 18 Fevereiru 2022 – Organizasaun Mundiál Ba Saúde (OMS) Timor-leste, iha sexta (18/2) ne’e liuhosi nia divulgasaun ofisiál, fó-sai medida hirak atu hodi kombate moras denge mak hanesan, presiza toba iha moskiteiru laran, uza repelente insetu nian (baygon/autan), uza rede susuk nian ba janela no odamatan, hatais ka taka kulit ho kalsa naruk no faru liman naruk, no labele husik hela bee nalihun iha vazu ka fatin ruma ne’ebé fó posibilidade ba susuk hodi tau tolun.