Vise Primeiru Ministru-MCAS-MDRHC, Timor-Leste ohin loron prega mal-nutrisaun ho instante 47%
Díli, 20 Marsu 2024-Koordenadór Sekretariadu PN-BESI TL, Sr. Januário Amaral partisipa iha Semináriu Nasionál hodi selebra Loron Mundiál Bee ho tema "Valoriza Bee, Haburas Dame", iha Salaun Laline Lariguto, CNA.
Vise-Primeiru Ministru-MCAS-MDRHC, Eng. Mariano Asanami Sabino iha nia intervensaun hateten "Ita rekoñese katak Bee ne’e importante, no ohin loron ita Selebra Loron mundiál Bee ho tema katak Bee bele kontribui ba Haburas Paz no Dame. Bee no Saneamentu hanesan direitu báziku ba ema hotu.
Timor-Leste ohin loron prega mal-nutrisaun ho instante 47% ho nia fatór prinsipál ida mak Problema Bee katak Bee ne'ebé ita konsumu ladún moos no la nutritivu.
Iha Planu Estratéjiku ba dezenvolvimentu Nasionál, ita tau ona importánsia ba Bee no Saneamentu ne'ebe adekuadu no oinsá mak kanalizasaun bee ne'ebé sustentável no saudável.
Loron ohin ita Selebra Loron Mundiál Bee, maibé ida ne'e atu refleta mai ita katak ita seidauk fornese bee ho di'ak."
Partisipa iha Semináriu Selebrasaun Loron Mundiál Bee nee mak hanesan Vise-Primeiru Ministru-MCAS-MDRHC, Prezidente BTL.EP, Diretora DGREAS, Reprezentante Gabinete Vise-Ministru MOP no Reprezentante Gabinete MOP, inklui membru Organizasaun Sosiedade Sivíl no estudante Universitáriu husi UNTL no DIT.
