Selebrasaun Loron Mundiál Saneamentu

Kada tinan mundu sempre selebra Loron Mundiál Sentina (LMS), ne’ebé maka monu iha loron 19 Novembru. Loron selebrasaun ida ne’e bazeia ba Organizasaun Sentina Mundial (World Toilet Organization) iha tinan 2001 no Nasoins Unidas Decide loron 19 Novembru hanesan loron sentina mundiál, ho objetivu hodi hasa’e konsiénsia ema hotu nian atu tau importánsia hodi asesu ba sentina no asaun sira ba melloramentu sentina ho seguru nune’e bele asegura saúde ida ne’ebé saudavel. Tema ba selebrasaun tinan ida ne’e mak “Accelerating Change” sigla Ingles tema ida ne’e hanesan oportunidade ne’ebé maka úniku tebes atu ita konsidera no foti asaun ruma hodi halo intervensaun maka’as ba Mudansa iha saneamentu atu ema hotu bele moris iha ambiente ne’ebe ijiene. 

PN-BESI-TL no WATL inklui Parseiru sira konsidera katak selebrasaun ida ne’e hanesan meius advokásia  ida ne’ebé maka efetivu tebes hodi hasa’e konsiénsia ema hotu-hotu nian, tantu indivídu nune’e mós instituisaun sira hodi tau konsiderasaun no importánsia husi sentina.  Relasiona ho hanoin sira ne’e maka  PN-BESI-TL hamutuk ho Membru sira, liu-liu Parseiru WATL sei selebra loron mundiál importante ida ne’e hodi organiza fila fali iha loron 27 Novembru 2023 ho atividade mak hanesan Limpeza Jerál, Kampaña no realiza Komunikadu Imprensa, iha área Tasi Tolu (Maslidun).

Objetivu husi atividade refere mak, atu hasa’e konsiénsia komunidade kona-ba importánsia husi sentina ba asegura moris ida Dignu no Saudavel.

Partisipante iha atividade ne’e Komunidade Aldeia Maslidun Tasi-tolu, Lider Komunitáriu, Asosiasaun Saúde Timor-Leste, Ministériu Saúde Nasional, PN-BESI-TL, HAK, FHTL, GFFTL no WaterAid